Bharat Desh Mahan

Jahan Mangal, Bhagat, Aazad jaise the jawan,
Desh ke liye gawaye the apne jaan,
Jahan Tiranga hai desh ki shaan,
Aisa hai Bharat desh mahan!

Jahan Aazadi ke liye kitno ne diye pran,
Jahan krishi hoti hai pradhan,
Jahan hai bhagwan ka vardan,
Aisa hai Bharat desh mahan!

Jahan Tulsi jaise the vidwan,
Jahan dhan se badi hoti hai gyan,
Jahan pratibhaon ki hoti hai khan,
Aisa hai Bharat desh mahan!

Jahan gawon me baste hai pran,
Dusmano ko bhi milti hai samman,
Jahan atithi hai dewta ke saman,
Aisa hai Bharat desh mahan!

Jahan pattharon ki puja hoti hai,
Dharti me mamta angdaee leti hai,
Jahan baccha Bhagwan ka roop hota hai,
Kheton me sona upajta hai,
Jahan anekta me akta hoti hai,
Sab dharmo ki puja hoti hai,
Jis desh ki Himalay hai shaan,
Aisa hai Bharat desh mahan!

Jahan Ganga ka hota hai udgam,
Nadiyon ka hota hai sangam,
Jahan mahatmaon ka hota hai janm,
Dusron ke dukh me hoti hai aakhen num,
Jahan roj hote hai ek tyohar,
Ek varsh me hote hai mausam char,
Jahan Itihas ka hota hai bakhan,
Aisa hai Bharat desh mahan!

Is desh ko mera shat-shat naman,
Jo lagta hai ek chaman,
Jahan ka dharm hai iman,
Jahan karm hai balwan,
Jahan milta hai vedon ka gyan,
Jahan sacchaee hai logon ki pehchan,
Jahan log rakhte hai ek dusre ka dhayan,
Aisa hai Bharat desh mahan!

Writer from Bihar – Pawan Kumar
pawan kumar writer from bihar

If you are a writer from bihar and want to show your talent here then mail us your writeup in any language(hindi, english, bhojpuri, maithily, magahi etc. with your good looking photograph to biharplus@gmail.com and cc to info@biharplus.in